Bosnia-Herzegovina

De Uiquipedia

Босна и Херцеговина
Bosna i Hercegovina
Bosnia y Herzegovina

Bandera de Bosnia y Herzegovina Escudu de Bosnia y Herzegovina
Lema nacional: nun hai
Himnu nacional: ensin nome. Conocíu como intermeco
Capital  • Población  • Coordenaes	Sarajevo 1.006.749 (2005) 43°52' N 18°25' E
Principal ciudá	Sarajevo
Idiomes oficiales	Bosniu, croata y serbiu
Forma de gobiernu Xefe d'Estáu Miembru bosníacu Miembru croata Miembru serbiu Pdte. Cyu. de Ministros	República federal Presidencia colexada Haris Silajdžic Željko Komšic Nebojsa Radmanovic ¹ Nikola Spiric (Altu Representante: Miroslav Lajcak)
Independencia  • Data	De Yugoslavia 5 d'abril de 1992
Superficie  • Total  • % agua Llendes Costes	Puestu 124u 51.129 km² 12 1.459 km 20 km
Población  • Total  • Densidá	Puestu 119u 4.025.476 (2004) 78 hab./km²
PIB  • Total (2005)  • PIB per cápita	Puestu 107u US$ 22.840 millones US$ 5.827
Moneda	Marcu convertible (BHK)
Xentiliciu	Bosniu, bosniuherzegovín
Fusu horariu  • en branu	CET (UTC+1) CEST (UTC+2)
Dominiu Internet	.ba
Códigu telefónicu	+387
Prefixu radiofónicu	T9A-T9Z
Códigu ISO	070 / BIH / BA
Miembru de: ONU, OSCE
¹Anguaño presidente.

Bosnia-Herzegovina ( Bosna i Hercegovina, abrevíao en BiH, n'alfabetu cirílicu Босна и Херцеговина) ye un país del sureste d'Europa, allugáu na península de los Balcanes. Ta arrodiáu por Croacia, Serbia y Montenegru y tien una salida al mar Adriáticu.

Bosnia-Herzegovina yera una de les seis repúbliques que formaron parte la Federación de Yugoslavia hasta principios de los años 90.

[editar] Hestoria

La rexón de Bosnia y Herzegovina, tuvo enforma poblada durante'l neolíticu, y dende'l sieglu IV edC tuvo ocupada polos Ilirios. El territoriu foi anexionáu polos romanos nel sieglu III edC al la provincia d'Iliria. Nel sieglu VII formó parte del Imperiu Bizantín. La primer vegada que se fizo usu del nome Bosnia foi nel añu 950, nun llibru nomáu De administrando imperio del emperador bizantín Constantinu VII nel que se conseña a Bosnia como parte del territoriu del reinu de Croacia. Nel sieglu XII fórmase un reinu de Bosnia, que se caltien independente hasta 1463, cuando s'anexiona al Imperiu Otomanu por Mehmet II.

Finada la Edá Media en Bosnia, la mayor parte de los habitantes aceuten l'Islam como relixón de so. Tuvo embaxo'l dominiu turcu hasta 1878, sacantes el periodu ente 1718 y 1739, nel que taba baxo remanéu austríacu. Nel sieglu XIX, medró la enemistá ente'l sultán y el pueblu, enguizada pol trunfu nacionalista na vecina Serbia. La represión por Abdulhamit II de les refriegues de 1875 prevocaríen l'intervención rusa, que declaró la guerra al Imperiu Otomanu en 1877. Acabáu el conflitu, el Congresu de Berlín dio-y en 1878 l'alministración del país a Austria-Hungría.

Bosnia pasa nel añu 1878 a tar alministrada pol Imperiu Austrohúngaru que la amesta al so Imperiu en 1908, y foi parte d'esti hasta l'añu 1918, hasta la fin de la Primera Guerra Mundial.

Ye entós cuandu Bosnia, xunto colos Serbios, Croates y Eslovenos, en 1929, améstase a ellos pa ensamar la Yugoslavia. Durante la Segunda Guerra Mundial el territoriu de Bosnia y Herzegovina foi anexionáu pol estáu fascista croata, ente 1941 y 1944. Valtáu l'Exe, tornó a ensamar parte na Yugoslavia como una de les seyes repúbliques de la República Popular Federativa. En 1992 proclamó la so independencia tres el referéndum del 1 de marzu de 1992.

Los Bosníacos y los bosniocroates de Bosnia y Herzegovina sofitaren l'independencia pero la mayoría de los serbobosnios (un 30% de la población), sofitaos pol restu de los Serbios de la ex Yugoslavia taben a la escontra y entamaren l'Agresión a Bosnia-Herzegovina nun intentu de creyación de la Gran Serbia. Nos primeros años d'esa guerra ocuparon un 70% del territoriu bosniu de mena violento - faciendo una braera llimpieza étnico. La guerra finó cola Batalla de Bosnia Occidental y la derrota del exércitu serbobosniu que darréu dexó que Slobodan Milosevic firmare'n so nome los alcuerdos de Dayton el 21 de payares del 1995. El preciu de la guerra foi descomanáu: 250.000 muertes y más de 2,5 millones de refuxaos.

[editar] Xeografía

La ponte de Mostar

Bosnia Herzegovina alcuéntrase allugada na estaya occidental de la península de Los Balcanes, llendando al norte, oeste y sudoeste con Croacia (932 km); al este con Serbia (302 km)y al sudeste con Montenegro (225 km.) El país ye na so mayor parte montañosu, altravesáu pelos Alpes Dináricos. Seutores del noreste crúciense cola llanada panónica, mentantu que nel sur llenda col Mar Adriáticu. Pero Bosnia y Herzegovina tien namái 20 quilómetros de costes, nes cercaníes de la ciudá de Neum -nel cantón Herzegovina-Neretva-, que s'alcuentra enclavada dientro del territoriu croata y les sos agües territoriales, esti pequeñu saliente dixebra la costa croata en dos partes.

Les ciudaes más importantes son: La capital Sarajevo, Banja Luka na rexón noroeste conocía como Bosanska Krajina, Bijeljina y Tuzla nel noreste, Zenica na estaya central de Bosnia, y Mostar que ye la capital d'Herzegovina'.

[editar] Economía

Anguaño ye una de les repúbliques más probes de l'antigua Yugoslavia, darréu de l'afarante Agresión a Bosnia-Herzegovina (1992-1995). Durante los años de la guerra, la economía nun taba namái qu'atrancada, sinón qu'arriendes sofrió un retrocesu descomanáu y mayor de la población sosistía gracies a l'aida humanitario del esterior. Al deterioru de la economía xuniose el bloquéu económicu por parte de los países d'al delláu - Serbia y Croacia.

El marcu convertible bosniu (konvertibilna marka, BAM) ye la unidá monetaria d'esta república. Dixébrase en 100 pfennig (pfeninga). Tien una parida frente al euro de 0,51129 EUR por 1 BAM (ye dicir 1 EUR = 1,95583 BAM), la mesma que s'afitó pal cambéu del antigu marcu alemán cola apaición del euro. Anguaño hai en circulación (xunu de 2006) monedes de 5, 10, 20 y 50 pfennig, y de 1, 2 y 5 marcos; así como billetes de 1, 2, 5, 10, 20, 50, 100 y 200 marcos. Sacantes el billete de 200 marcos, los demás presenten dos modelos: ún pa la Federación de Bosnia y Herzegovina, y otru pa la República Srpska.

En 1991 -un añu enantes de la guerra en plena crisis económica de la ex-Yugoslavia a mediu desintegrar (Eslovenia y Croacia ya taben fuera de la xunión), el productu interior brutu yera de 14.000 millones de dólares, pero la tasa amenorgó un 37 por cientu dende entós.

[editar] División alministrativa

Mapa étnicu 2006. (Verdes): Bosnios; (Azules): Serbios; (Bermeyos): Croates

El país ta dividíu en dos entidaes (entitet):

• La Federación de Bosnia-Herzegovina ( Federacija Bosna i Hercegovina ), que llamen tamién "Federación croato-musulmana" , con capital en Sarayevo.
• La República Serbia ( Република Српска / Republika Srpska, RS ), con capital en Banja Luka.

A estes dos entidaes hai qu'amestar el distritu de Brčko, que forma parte d'entrambes .

La Federación de Bosnia-Herzegovina divídese en conceyos, agrupaosen 10 cantones ( kantoni ):

• Una-Sana
• Posavina
• Tuzla-Podrinje
• Zenica-Doboj
• Bosnia-Podrinje
• Bosnia Central
• Herzegovina-Neretva
• Herzegovina occidental
• Sarayevo
• Bosnia occidental

Los conceyos de la República Serbia tán agrupaos en 7 rexones:

• Banja Luka
• Bijeljina
• Doboj
• Foca
• Sarayevo-Romanija (o Sokolac)
• Trebinje
• Vlasenica

[editar] Cultura

[editar] Deportes

[editar] Enllaces

• Bosnia and Herzegovina online
• Presidencia de Bosnia y Herzegovina

Wikimedia Commons tien archivos rellacionaos con:

[[Commons:{{{1}}}|{{{2}}}]]