Jazz

De Uiquipedia

The King & Carter Jazzing Orchestra, semeya tomada en Houston, Texas, Xineru de 1921.

El Jazz ye'l productu del mecíu de dos cultures musicales mui estremaes, la europea y l'africana. La música africana entró n'América colos esclavos obligaos a abandonar les costes occidentales d'África p'afincase nes Antilles y el sur de los Estaos Xuníos nel sieglu XVII.

El Jazz básase na improvisación y non na partitura; el músicu de Jazz creya nel intre qu'actúa, la improvisación ye la basa del so arte, de manera tala que dos versiones del mesmu tema son dos obres estremaes. El Jazz ye tamién una música que gueta y necesita la participación activa del públicu, y non sólu la so atención pasiva.